زيارة مجمع الأفنيوز في البحرين

مرحبا..

زرت مؤخرًا مجمع الأفنيوز في البحرين كم مرّة، وحبيت أفيدكم بتجربتي، وإذا أنصحك بزيارته أو لا.

اسمه The Avenues تم افتتاحه عام 2017، استوحوا تصميمه بناءً على تصميم أفنيوز الكويت، قريت هذي المعلومة في موقع الأفنيوز. يقع المول في المنامة، ويُطلّ على الواجهة البحرية، وهذا من أجمل إطلالاته بالنسبة لي.

صوّرت صور للمول في النهار وفي الليل، إطلالة الشمس من السقف في النهار هي الأفضل، مثل صورة التدوينة كانت في النهار. بس في الليل السقف يتحوّل للون الأزرق القوي، وفي كل الحالات تصميم المول مميّز ويستدعي تأمّل جماله.

هنا صور للمول نهارية ومسائبة، وإطلالة البحر اللي ذكرتها. المبنى اللي بحرف الH هو فندق الفور سيزنز الخليج.

تتطلب عرض الشرائح هذه للجافا سكريبت.

موقع الأفنيـوز في قوقل مابز

في موقع المول موجود المتاجر اللي فيه، والمطاعم، والأحداث اللي تصير في المول، ومعلومات عن المول.

موقع الأفنيـوز

أخواني جرّبوا الألعاب عندهم، عندهم ألعاب منوّعة، ماكانت كبيرة مره بس حليوة، اسمها Magic Planet. انبسطوا أكثر شيء على لعبة الVR اسمها الVR CUBE موجودة قريب سوبرماركت الأسرة.

جرّبت السينما عندهم، مقسّمين السينما على دورين، الدور اللي تحت شاشات حجز بس، وفوق أيضًا حجز وكافيتيريا السينما، والقاعات ودورات المياه.

سعر تذكرة السينما العادية في الأفنيوز ب42 ريال، بينما في المولات الأخرى ب37 ريال تقريبًا، الفرق حوالي الخمس ريال. القاعات قليلة بس مرتبة. على الرغم من صغر مساحة السينما وقلّة القاعات بالنسبة للمول الكبير إلا إني حبيتها وحبيت قلّة الإزعاج والزحمة فيها، وأختي ما حبّتها.

جرّبت مقهى Blend I

t وجرّبت عندهم القهوة الفرنسيّة، ماني خبرة فيها لأني اشتهيها بين فترة وفترة، بس كانت لذيذة، وماكانت تحتاج إضافة سكر، وانقهرت إنها بردت بسرعة. وجرّبت مافن الشوكولاتة كانت غنيّة بالشوكولاته ولينة ولذيذة.

قهوة فرنسية

blendit cafe كافيه

أنصحكم بزيارة المول، برغم الزحمة فيه بس يستحق الزيارة.

سويّت سلسة تغريدات عبارة عن صور عن البحرين والأماكن اللي زرتها في فترة العيد. من هنا تغريدة العيد في البحرين

وهنا تغطيـات أخرى سوّيتها:

زيارتي للسوق الصيني في البحرين

تجربتي لمطعم LA PORTA في البحرين

حساباتي في وسائل التواصل موجودة في آخر الصفحة.

الإعلان